首頁 » 專訪論談 » 劉重義講堂 » 【劉重義講堂】企亞諾‧雷謬(Keanu Reeves)立下典範

【劉重義講堂】企亞諾‧雷謬(Keanu Reeves)立下典範

by 望春風 電子報A
(圖/採用原文作者Aaron Burris報導的原圖。)

本文/Aaron Burris  翻譯/劉重義

(編者:請用台語讀)

企亞諾是真出名的加拿大電影明星,1964出世在貝魯特(Beirut, Lebanon),老母是英國人,生爸是夏威夷人。

企亞諾3歲時,爸母離婚,到轉大人攏總經歷3個後爸。伊天生有讀冊障礙,真想要做彎棍仔球(Hockey)球員,卻拄著嚴重的意外無法度加入。伊的查某仔子在生產中拍損去,某出車禍過身,上好的朋友雷無(River Phoenix)吸毒過量喪命,大姊有血癌。

在遮濟苦難中,企亞諾從來無放棄幫助需要幫助的人。當伊在《湖邊的厝》(The Lake House)拍片中間,伊聽著兩個服裝助理細聲講話,其中一個嚎講伊若無納美金2萬,厝著會無去。仝彼日,企亞諾匯彼個查某人所急需要的錢額入去伊的銀行戶頭。事實上,伊捐予病院的錢加起來是天文數字。

在2010年的生日彼日,企亞諾去一間麵包店買一粒蛋捲,插一支蠟燭,自己坐在店口呷,行倚來和伊講話的人,伊攏請怹一杯咖啡。

在完成轟動的《駭客任務》(Matrix)影集後,企亞諾捐美金5千萬,分予處理服裝配件和特殊效果的人員。伊講這寡人才是予影集成功真正的英雄。伊嘛撥幾千萬送予每一個特技替身演員一台哈雷(Harley-Davidson)。在真濟成功賣座的影片,伊甚至放棄到90%的薪資,要幫助製片部門會當請閣較濟演員。

在1997年的一個早起,有狗仔隊在洛杉磯的街路,發見企亞諾和一個流浪漢行作伙,聽流浪漢分享自己的生活境遇歸哪點鐘。

大部分的明星攏會將怹所做的慈善好事,透過媒體報予通人知。企亞諾從來未曾講自己有做善事,伊完全是出在道義原則,並無期待別人的讚美。伊好裕到會當享受一切,卻,每日早起爬起來,伊選擇要做一件錢買祙著的代誌:做一個好人!

0 留言
0

您可能感興趣

發表留言 Leave a Comment